 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Заўсёды так: як дрэнна штось,
Не скарджуся нікому,
Імчу туды, дзе я не госць,
Спяшаюся дадому.
Зноў уяўляю, як здалёк
Мне падміргнуць прысады.
І ў полі росны васілёк
Сустрэчы будзе рады.
Чародка галак сон страсе,
Сарвецца ў невядомасць.
І лёгкі на хаду сусед
Мяне спаткае дома…
І толькі тата
не знайшоў
Сіл сына прычакаці...
Як самы светлы шлях дамоў –
Мой успамін пра маці...
Радней нічога больш няма.
Вісіць замок на студні.
І на душы даўно зіма
І ў святы мне, і ў будні.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
